Informan: Ne’ Bu’tu, Mariri, Juli 1996
1. Bugi’ dio randan langi’, to dio lelean uran
2. To naboko’ lako allo, to tang nakita masiang tang na lomban bayo-bayo,
3. Ia pi na diola, bugi’pi unnolai, Balandapi umpolalanni.
4. O, iamo ampunna bugi’, iamo kapueanna.
5. To dadi lan leu batu, to kombong lan di malia’
6. To tang kumande makula’, tang rumi’tok bura-bura.
7. Uran allo na nasui, ambun napa’pareso’i.
8. Manasu nairi’ angin, re’de nasimbo darinding.
9. To tuo langngan rundundunna, to sumissang pa’barusanna.
10. Malia pa’barusanna, parrang lisu lindona.
11. To umpalingka ulunna, to unturu’ tingayona.
12. Landa isinna lumingka, titodo pa’barusanna.
13. Sama dengan nomor 4.
14. Sadio-dionamai, sauntangngana lalanna.
15. Ma’rinding lako-lakoan, ma’kulambu tuntun lalan.
16. Tabang borrong napadolo, lassigi’ napari lalan.
17. Ma’kulambu tuntun lalan, ma’rinding lako-lakoan.
18. Ma’kulambu sura’ maa’, ma’rinding lengko busirri.
19. Sae mengkanna i Pongko’, mentunannang ri lebukan.
20. Mebanua tangdilelleng, ma’tondok tangdila’bo’i.
21. Lalan uasena bugi’, lalan bingkungna Balanda.
22. Banua dibangun leko’, dipopemba’ba lu rekke.
23. Tang pepori, peporinna, tang ue pepamarra’na.
24. Ula’ balu peporinna, panakan pepamarra’na, sando peba’na-ba’nana
25. Tondok borong toda’ inde, banua mapia toda’
26. Orong-oronganna tedong, pessimbonganna kamae’.
27. Larampaoiko inde tondok, la tasik menggulilingmo.
28. Sorong-soranganni rangki’, alanni kandian gallang.
29. Nanai torro ma’pangngan, unnisung ma’lea-lea.
30. Sama dengan nomor 14-18
31. Sae mengkanna i Ala’, mentunannang ri Palopo.
32. Tondok borong toda inde, banua mapia toda’.
33. Maliku-liku bambana, tasik pollo’ banuanna.
34. Sorong-soronganni rangki’, alanni kandian gallang.
35. Nanai torro ma’pangngan, unnisung ma’lea-lea.
36. Iamo ampunna bugi’, iamo kapueanna.
37. Sama dengan no. 14-18
38. Narambe-rombe i bolong, natiantenni katirra’.
39. Sae mengkanni Bone, mentunannang ri Balanda.
40. Sama dengan nomor 17 – 18, 20 – 24.
41. Sae mengkanna i Rura, mentunannag ri Sinaji.
42. Sai lolo’na lo’mai, sae untangnga lalanna.
43. Tabang borrong napadolo, lassigi’ napari lalan.
44. Tiumba’mo Bambana Puang, dollokmo pintu deata.
45. Sama dengan nomor 16 -18, 42.
46. Ma’teta batumo bugi’, unnola landa Sarira.
47. La ma’lembang ade’ bugi’, la ma’koli-koli ade’.
48. Mellolok buntumo lembang, mentanetemo orongan.
49. Sama dengan nomor 42, 16 -18.
50. Sae mengkanna i Bebo’, mentunannang ri Sangalla’.
51. Sama dengan nomor 32, 22, 21, 17-18.
52. Sae mengkanna i Kesu’, mentunannang ri Bangkudu tua.
53. Sama dengan nomor 25-29, 4, 42, 16-18.
54. Wai limbong lan di Kongkang, liku ma’tan ri Malenong.
55. Sama dengan nomor 25-29, 4.
56. Iri’ko-iri’ko angin, simboko-simbo darinding.
57. Napolalan sae bugi’, naola ratu Balanda.
58. Inde diong Eran Batu, rokko kutumpu eranna.
59. Sama dengna nomor 16-18.
60. Sae mengkanna i Singki’, mentunannang ri Laang Tanduk.
61. Sama dengan nomor 25-29, 27.
62. Indamo ampunna bugi’, To salu ampunna bugi’, Pong Sedan ampunna Bugi’, Tandua kapueanna.
63. Sama dengan nomor 25 – 29, 4.
64. Daya saruran ditoke’, daya bubun dianginni.
65. Napendio’ to ma’bugi’, ukkunanna to Balanda.
66. Iri’ko-iri’ko angin, simboko-simbo darinding.
67. Mangngiri’ rekkeko buntu, simboko rekke tanete.
68. Tanete bupangden-pangden, lombok bulassuna pute.
69. Tangkukua raka nina’, tang kupatenni raka kada.
70. Deata sipiak bugi’, puang sisese Balanda.
71. Masakkeko kumasakke, marudindin sola nasang.
